कुमारित्वको मर्मत सम्भारमा आमा देखि अविवाहित

Loading...
Spread the love
अहिले काठमाडौं उपत्यकामा एक नयाँ र अनौठो समाजले कल्पना समेत नगरेकोधन्दा सुरु भएको छ । कुमारित्व गुमाएका महिलालाई पुनः कुमारीत्व फर्काइदिनेधन्दा उपत्यकाका केही अस्पतालमा चलिरहेको छ ।
Virginityयही धन्दाको हल्लाका भरमा उपत्यकाका केही निजि अस्पताल र निजी क्लिनिकमा अहिले बच्चा जन्माइसकेकादेखि लिएर विभिन्न कारणले कुमारित्व गुमाएका महिला कुमारी हुइन्छ भनि दौडधुपमा लागेका छन ।यस कार्य प्रति महिलाहरूको आकर्षण निकै बढेको भनेर केही निजि अस्पताल र निजी क्लिनिकले कमाउने धन्दा सुरुवात गरेका छन्  कुमारित्वको मर्मत सम्भार मार्फत ।
के हो कुमारित्व….. ?
नेपाली शब्दकोषले आठ वर्ष पूरा गरेकी र १२ वर्ष उमेर नकाटेकी छोरीलाई कुमारी भनेको छ । तर, शब्दकोषमा कुमारित्वको शब्दार्थ स्पष्ट नलेखिए पनि अंग्रेजी शब्दको भर्जिनिटी नै नेपालीमा कुमारित्व हो भन्ने बुझिन्छ । जसको अर्थ महिलाहरूको योनिमा हुने झिल्ली अर्थात् हाइमिन दुरुस्त रहनु हो ।
अंग्रेजी होस् वा नेपाली परिवेश, कुमारित्वलाई शारीरिक सम्बन्ध नराखेकी स्त्री भन्ने सामान्य अर्थ लगाइन्छ । स्वास्थ्य विज्ञानले महिलाको योनिमा हुने झिल्ली अर्थात् हाइमिन नटुटेमा त्यसलाई कुमारित्व अर्थात् भर्जिनिटी रहेको भन्ने बुझाउँछ । सामान्यतः कुनै पुरुषसँग शारीरिक सम्बन्ध राखेपछि हाइमिन अर्थात् झिल्ली च्यातिन्छ र त्यसपछि कुमारित्व गुमेको बताइन्छ । तर, कुमारित्व गुम्नमा शारीरिक सम्बन्ध नै हुनुपर्छ भन्ने होइन । वरिष्ठ स्त्रीरोग विशेषज्ञ डाक्टर जागेश्वर गौतमका अनुसार शारीरिक सम्बन्धबाहेक, जिम्न्यास्टिक खेलाडी, साइकल चढ्ने युवती आदिमा हाइमिन च्यातिएको पाइएको छ ।
कुमारित्वका नाममा के भइरहेको छ…. ?
संसारभर विवाहपूर्व पनि यौन सम्बन्ध राख्नेहरूको संख्या पछिल्लो समय धेरै छ । प्रेममा परेर वा अन्य कारणले पनि विवाहपूर्व यौन सम्बन्ध राख्नेदेखि लिभिङ टुगेदर बस्ने महिला र पुरुषको संख्या दिनानुदिन बढिरहेको छ ।
तर, जुन पुरुषसँग संसर्ग भयो, त्यो पुरुषसँग विवाह हुन नसकेको उदाहरण पनि धेरै छ । जसकारण अविवाहित स्त्रीहरू विवाहपछिको आफ्नो पारिवारिक सुखबारे धेरै चिन्तित हुने गरेका छन् । आफ्नो कुमारित्व गुमेको श्रीमान्ले थाहा पाएर आफूलाई हेला गर्ने हो कि भन्ने चिन्ता धेरै महिलामा हुने गरेको चिकित्सक बताउँछन् । जसकारण उनीहरूलाई कुमारित्व फर्काउन सकिन्छ भन्ने आश्वासन दिनु एक ठूलो अपेक्षा र महत्त्वाकांक्षाको विषय हो र महिलाहरू अचेल यसैको आकर्षण र हल्लामा फसेका छन् । अहिले दैनिक पत्रिकामा यौन सन्तुष्टिसँग सम्बन्धित धेरै विज्ञापन छापिइरहेका हुन्छन् ।
त्यही विज्ञापनका भरमा केही महिला त्यस्ता औषधि पाइने पसलमा पुग्छन् र आफ्नो गुनासो सुनाउँछन् । अनि त्यस्ता औषधि बेच्ने व्यक्तिले त्यस्ता महिलालाई एउटा भ्रम छरिदिन्छन् कि गुमेको कुमारित्व फेरि पनि फर्काउन सकिन्छ । यस्ता दलालका पछि लागेर महिला केही निजी अस्पताल पुग्छन् र कुमारित्व फर्काउन भन्दै योनिको मर्मत–सम्भार अर्थात् सिलाई गर्छन् ।
के हो योनिको मर्मत अर्थात् भेजाइनल रिपेरिङ ?
स्वास्थ्य विज्ञानका अनुसार बच्चा जन्माउँदा महिलाको योनि च्यातिन्छ र त्यसपछि पिसाबथैली र मलद्वार पनि खस्न सक्छ । यस्तो अवस्थामा योनिमर्मत अर्थात् भेजाइनल रिपेरिङ अनिवार्य हुन्छ र त्यो गर्नैपर्छ । यस्तो गर्दा खासै खर्च पनि हुँदैन र यो कुनै मेजर अपरेसन पनि होइन । त्यस्तै, तीन–चारवटा बच्चा जन्माइसकेपछि महिलाको योनिको आकार बढ्न सक्छ र आफ्ना यौन साथीसँगको संसर्गमा पूर्ण सन्तुष्टि नहुन पनि सक्छ । यस्तो अवस्थामा महिलाले आग्रह गरेको खण्डमा पनि मान्यताप्राप्त डाक्टरले भेजाइनल रिपेरिङ गर्ने गरेका छन् ।
सामान्य अवस्थामा योनिको मर्मत-सम्भार गर्दा करिब २५ हजार खर्च हुन्छ । सामान्य अवस्था भन्नाले बच्चा जन्माउँदा योनि च्यातिने भन्ने हो । तर, विवाह नगरेका महिलादेखि यौन सन्तुष्टि पाउन नसकिएको भन्दै अहिले ७५ हजारसम्म शुल्क लिएर भेजाइनल रिपेरिङ गरिँदै छ, काठमाडौं सहरमा ।
कुन वर्गका महिला यस्तो गर्दै छन् ?
सामान्य अवस्थामा योनिको मर्मत–सम्भार गर्दा करिब २५ हजार खर्च हुन्छ । सामान्य अवस्था भन्नाले बच्चा जन्माउँदा योनि च्यातिने भन्ने हो । तर, विवाह नगरेका महिलादेखि यौन सन्तुष्टि पाउन नसकिएको भन्दै अहिले ७५ हजारसम्म शुल्क लिएर भेजाइनल रिपेरिङ गरिँदै छ, काठमाडौं सहरमा । यसमा मुख्यतः सहर–बजारका धनाढ्य विवाहित महिला र अविवाहित युवतीले यौन सन्तुष्टिका लागि भेजाइनल रिपेरिङ गरिरहेको तथ्य बाहिर आएको छ ।
त्यस्तै, श्रीमान विदेशमा काम गर्न गएका छन् र श्रीमती नेपालमा छिन् । तर, नेपालमा उनको अर्कै यौन साथीसँग शारीरिक सम्बन्ध छ भने यस्तो अवस्थामा श्रीमान् नेपाल फर्कंदाताका श्रीमतीले भेजाइनल रिपेरिङ गरेको पाइएको छ । त्यसैगरी व्यावसायिक यौनकर्मी महिलाले पनि भेजाइनल रिपेरिङ गर्ने गरेको पाइएको छ । त्योबाहेक तीन–चारवटा बच्चा जन्माएका महिलाले त भेजाइनल रिपेरिङ गर्ने गरेका बताउँछन्, प्रसूतिगृहका निर्देशक डाक्टर जागेश्वर गौतम र ओम अस्पतालका निर्देशक डाक्टर भोला रिजाल ।
कहाँ–कहाँ गरिन्छ यो धन्दा ? 
उपत्यकाका ठूला भनिएका अस्पतालदेखि स-साना पोलिक्लिनिकले पनि ‘भर्जिन’ बनाउने धन्दा चलाइरहेका छन् । उपत्यकामा नाम चलेका अस्पतालहरू काठमाडौं अस्पताल त्रिपुरेश्वर, ग्रान्डी धापासी, केएमसी सिनामंगल, ओम अस्पताल, चावहिल, मनमोहन अस्पताल छाउनी, अल्का अस्पताल जावलाखेललगायतले यस्तो सेवा दिइरहेका छन् । त्योबाहेक डाक्टर ज्योति अग्रवाल क्लिनिक, भ्याली मेटरनिटी क्लिनिकलगायत साना पोलिक्लिनिकले पनि यस्तो धन्दा चलाइरहेका छन् ।
हुन त यी अस्पतालले बच्चा जन्माइसकेका महिलाको मात्रै भेजाइनल रिपेरिङ गर्ने गरेको दाबी गरेका छन् । तर, यी अस्पतालमा बच्चा नै नजन्माएका युवतीको समेत यस प्रकृतिको अप्रेसन भएको तथ्य बाहिर आएका छन् । अझ पछिल्ला दिनमा काठमाडौं अस्पताल र ग्रान्डी अस्प्तालमा त हङकङबाट समेत यस्तो अप्रेसन गर्न महिला आउने गरेको बताउँछिन्, काठमाडौं अस्पतालमा कार्यरत वरिष्ठ स्त्रीरोग विशेषज्ञ डाक्टर चन्द्रशोभा अमात्य । यस्तो अप्रेसनका लागि काठमाडौं अस्पताल र ग्रान्डी अस्पतालले प्रतिव्यक्ति ७५ हजार रुपैयाँसम्म पैसा लिने गरेको भेटिएको छ ।
यसरी काठमाडौं सहरमा कुमारित्व फर्काउने वा यौन सन्तुष्टि बढाउन आफूखुसी यौनांग सिलाउने धन्दा चलेको छ । जब कि धेरै बच्चा जन्मिएपछि शारीरिक र मानसिक स्वास्थ्यको ख्याल गरेर गरिनुपर्ने यस्तो अप्रेसन तथाकथित भर्जिन वा कुमारित्वसँग जोडेर विकृत बनाइँदै छ । र, यस्तो धन्दामा सहरका युवतीको आकर्षण बढेको साथै व्यावसायिक यौन सम्पर्कको धन्दा बढेको पाइएको चिकित्सकले बताएका छन् ।
के सम्भव छ भर्जिनिटी फर्काउन ?
 
उपत्यकाका अस्पताल र निजी स्वास्थ्य संस्थाहरूले कुमारित्व गुमाएका महिलालाई फेरि कुमारी बनाइदिने भन्दै धन्दा चलाइरहेका छन्, जुन गैरकानुनी र अनैतिक धन्दा हो । पहिलो कुरा त महिलाहरूको भर्जिनिटी एकपटक गुमेपछि त्यो फेरि फर्काउन नसकिने बताउँछन्, स्त्रीरोग विशेषज्ञहरू डाक्टर भोला रिजाल र जागेश्वर गौतम । तर पनि नेपालमा हुनै नसक्ने अप्रेसनको नाटक गरेर एकातिर कमाउ धन्दा भइरहेको छ भने अर्कोतिर सामाजिक मनोविज्ञानलाई समेत ख्याल गरिएको छैन ।
नैतिक कि अनैतिक रु प्रसूति गृह अस्पतालका निर्देशक जागेश्वर गौतम र ओम अस्पतालका निर्देशक डाक्टर भोला रिजाल भन्छन्, भर्जिन बन्न योनि सिलाउनु अनैतिक हो । आवश्यक पर्दा भेजाइनल रिपेरिङ सामान्य कुरा भए पनि अहिले विवाह नै नभएका युवतीले पनि यस्तो मर्मत गराइरहेको जानकारी पाएको भन्दै अनैतिक धन्दा रोक्न सरकारले पहल गर्नुपर्ने उनीहरूको राय छ । अहिले यस्तो धन्दा बढ्नुको मुख्य कारण भने पत्रपत्रिकामा छापिने यौन सन्तुष्टिसँग सम्बन्धित विज्ञापन नै हुन् । सुरुमा महिला र पुरुषहरू पनि यौन सन्तुष्टि बढाउने साधन बेच्ने पसलहरूमा पुग्ने गर्छन् ।
त्यसपछि उनीहरू त्यही पसलेको च्यानलबाट डाक्टरको क्लिनिक वा अस्पतालमा पुग्छन् र योनिको मर्मत–सम्भार गर्छन् । अनि, आफू फेरि कुमारी बनेको कल्पना गर्छन् । प्रसूति गृहका डाइरेक्टर गौतम का अनुसार यस्तो धन्दा ठगी र झुटको खेतीबाहेक अरू केही होइन । यसरी मानिसहरुमा भ्रम सिर्जना गरेर ठगी धन्दा चलाउनेहरूले राम्रो बजार लिएका छन । यस्ता धन्दा चलाउनेलाई कारबाहीको दायरामा ल्याउनु जरुरी छ । आफ्नो पेसागत मर्यादा भन्दा वाहिर जाने डाक्टर देखि लिएर अनैतिक धन्दा गर्ने निजि क्लिनिक र अस्पताललाई कारबाहीको दायरामा ल्याउनैपर्छ । 
भिडियो हेर्नको लागि यहाँ क्लिक गर्नुहोला http://yrdoctor.blogspot.co.il/2015/07/tight.html
Loading...

यसमा तपाइको मत

जेन्डर एण्ड ल बाट अन्य

नेपालमा विवाह सम्बन्धि कानून र मान्यता

Spread the loveविवाह मानिस परिवार प्रणालीमा प्रबेश गरे संगै विकाश भएको परिवार प्रणालीको एक महत्वपूर्ण र सुन्दर पक्ष विवाहित जोडीको विचको एक महत्वपूर्ण करार हो । यसको ऐतिहासिकता कानूनको भन्दा पुराना ेछ जसकारण हामी...

भारत र नेपालको सम्वन्ध बल्ल तल्ल बराबरीमा उक्लिएको छ

Spread the loveके हामीले हाम्रो ईतिहास राम्ररी पढेका छौ ? हिजो भारतमा अग्रेजको शासन कालमा जस्ले जे जती सुकै फुर्ति लगाएपनि गभर्नरको कुरै छाडौ चम्पारण वा बेतियाका कुनै लप्टन साब वा क्याप्टन साहेब आउदा...

Spread the love  पहिले चिकित्सकहरु पनि कालो कोट लगाँउथे । चिकित्सकहरु हात राम्ररी धुदैनथे । उनीहरु आफ्ना उपकरण (छुरी, कैची आदी) त कार्वोनिक अम्लमा डुवाँउथे तर अपरेशन गर्दा तिनै काला लामा दुर्गन्धीत ह्वार्लाङे कोट लगाँउथे...

कानूनको अनभिज्ञता Sudarsan Joshi

Spread the love यो बिषय देख्दा सामान्य देखिए पनि कानूनको कार्यान्वयन मा न्याय संग जोडेर हेर्दा अत्यन्त महत्वपुर्ण छ । बिश्वमा नै बिकसित हुदै आएका फौजदारी न्याय प्रणाली एबं बिधिशास्त्रका मान्यता वा सिद्दान्तहरुलाइ अध्ययन गर्दा...

टिकापुर घटना मुद्दाको फैसला पूर्ण पाठ

Spread the loveजिल्ला अदालत कैलालीले टीकापुर घटनामा मुख्य अभियुक्त रेशम चौधरीलाई जन्मकैदको फैसला सुनाएको छ । न्यायाधीश परशुराम भट्टराईको एकल इजलासले चौधरीसहित ११ जनालाई दोषी ठहर गरेको हो । उनीहरुलाई जन्मकैदको फैसला भएको श्रेस्तेदार इन्द्रबहादुर...

बयान परिवर्तन गर्दा उच्च अदालतवाट कैद सजाय

Spread the loveजनकपुरधाम – सर्लाहीको साविक मोतिपुर गाविस–४ का ४५ वर्षीय भूपनारायण महतोले आफैंले दिएको उजुरी विपरीत अदालतमा झूटा बयान दिएको भन्दै उच्च अदालत जनकपुरले कैद र जरिवाना सजाय हुने फैसला गरेको छ । २०७२ भदौ...

गिद्दहरुको सांराज्यकी म लाचार एक निर्मला

Spread the loveपीडा ‘निर्मला’को चस्मा भित्रका ती चहकिला आँखा जहाँ, हजारौं सपनाहरु सल्बलाइ रहेको देखिन्छ । निर्भीक, निश्चल त्यो मुस्कान ताजै छ तस्वीरमा, तर मात्र तस्वीरमा; त्यो तस्वीर भित्रका सजीव आँखा अनि मुहारमा छाएको मन्द मुस्कान, अब मात्र तस्वीरमा सीमित रहनेछ, र तर्साउन...

नयाँ ऐन: दैलेखमा पुरुषबाट सम्बन्ध बिच्छेदको पहिलो मुद्धा दर्ता

Spread the loveदैलेख: भदौ १ गतेदेखि लागू हुने गरी ‘मुलुकी देवानी (सहिंता) ऐन २०७४’ जारी भएपछि दैलेखमा पुरुषबाट सम्बन्ध बिच्छेदको पहिलो मुद्धा दर्ता भएको छ । ‘मुलुकी देवानी कार्यविधि (सहिंता) ऐन २०७४’ले पुरुषले पनि...

Spread the loveकाठमाडौं: डा. गोविन्द केसीको अदालतको अवहेलना मुद्धामा कानून व्यवसायीहरुको छाता संगठन नेपाल वार एशोसिएसनले प्रधानन्यायाधीश गोपाल पराजुलीको बचाउ गर्दै करिव २ दिनपछि शुक्रबार विज्ञप्ती जारी गर्दै अनसन मार्फत न्यायालयमाथि दबाव नदिन डा....

अध्यादेस सन्दर्भमा राष्ट्रपति विरुद्ध रिट दर्ता

Spread the loveकाठमाडौँ — सरकारले पठाएको अध्यादेश राष्ट्रपतिले बिनाकारण रोक्नु गैरकानूनी भएको दाबी गर्दै सर्वोच्च अदालतमा रिट निवेदन परेको छ । अधिवक्ता यज्ञमणि न्यौपानेले अविलम्ब अध्यादेश जारी गर्न आदेशको माग गर्दै सर्वोच्चमा निवेदन दिएका हुन् । उनले...